Luna di Conscientisacion di Stress 2025

Luna di Conscientisacion di Stress ta tuma luga anualmente durante henter luna di april y tin un cantidad di diferente manera pa bo haci un cambio pa evita stress.

Departamento di Salud Publico kier conscientisa comunidad tocante e efectonan negativo di stress:

• Stress no ta djis un sensacion of un sentimento?
• Stress no solamente ta afecta bo salud mental, pero tambe bo salud fisico.
• Stress ta causa un reaccion fisico cu por impacta henter bo curpa; for di dolor di cabes y palpitacion di curason, te na problemanan digestivo y un sistema inmunologico debilita, stress semper ta bin cu ne cu efectonan negativo pa bo salud.

Ta importante pa nos papia con stress ta afecta bo sistema y bo organonan:

• Stress por desaroya un ritmo di curason y presion halto, aumentando asina e riesgo di haya un malesa di curason;
• Stress ta stroba bo sistema digestivo, causando problemanan manera dolor di bariga, mal funcionamento den bo digestion y problema cu zuur ('reflux');
• Ademas, stress cronico por daña e regionnan di celebro cu ta responsabel pa memoria y siñamento;
• Stress tambe ta debilita bo sistema inmunologico, haciendo bo mas vulnerabel na difente malesa.

Aki algun tips pa preveni stress:

• Hala rosea profundo: Hala rosea poco-poco y profundo ta calma bo sistema nervioso;
• Move bo curpa: Haci ehercicio (hasta un cana cortico por yuda bo libera tension).
• Pone prioridad: Concentra riba loke ta urgente y delega of pospone tur otro cos;
• Tuma pausa ('break'): Aleha bo mes di factornan di stress pa algun minuut;
• Practica concentracion: Pensa riba e momento actual (presente) pa reduci preocupacion.
• Conecta cu otronan: Papia cu un amigo of ser keri.
• Establece limitenan: Siña bisa "NO" pa evita cu bo ta sobrecarga.
• Drumi suficiente: Purba drumi 7-8 ora di soño di calidad.
• Limita cafeina y alcohol: Esakinan por aumenta stress.
• Busca un 'hobby': Participa den actividadnan cu bo ta disfruta.

Tuma tempo pa deshaci di stress y proteha bo salud completo!