Gobernacion

Aruba ta forma parti di Reino Hulandes. Gobernador ta e representante di Rey na Aruba. Cada cuatro aña tin eleccion pa miembro di Parlamento. Parlamento conhuntamente cu Organo Consultativo (RVA) y Controlaria General (AR) ta forma e Colegio Maximo di Estado (Hoge Colleges van Staat). Nan ta e organonan independiente di gobierno. E Vaste Colleges van Advies ta consisti di Organo Consultativo (RVA), Controlaria General (AR), Conseho Social Economico (SER) y e Representante di Aruba den Raad van State di Reino Hulandes. Gobierno ta consisti di Gobernador y e ministernan.