Faya Lobi: 200 aña amor ferviente den diaspora

Esaki specialmente pa e coleccion di biblioteca. Ademas biblioteca a haya e traduccion na Hulandes tambe regalo. E version na Hulandes su titulo ta: ‘Faya Lobi: 200 jaar vurige liefde in de diaspora’.

Sra. Jessurun a presenta su buki ‘Faya Lobi’ na Papiamentu y alabes a duna un charla tocante Papiamentu y su reisnan di Cabo Verde. Esaki a tuma lugar na Biblioteca Nacional Aruba e siman aki.

Ange Jessurun (Corsou, 1954) ta contribui activamente na formaciony desaroyo di consientisacion cultural y dominio di idioma (materno) pa hopi aña caba, cu atenshon special pa hubentud. E temanan aki ta core manera un hilo comun den su escogencia nan di bida y carera. E ta co-autor di varios metodo di enseñansa di idioma Papiamentu y mama spiritual di Arte di Palabra, un competencia exitoso di skirbimento di idioma Papiamentu pa enseñansa secundario. Tambe ela publica cuater volumen di coleccion.
Faya Lobi ta su prome novela na idioma Hulandes y ta basa riba storianan berdadero, recuerdonan y documentonan historico. E historia di su bisabuelo Chines, kende a biaha for di Hong Kong pa Paramaribo na 1865 en buska di un miho bida, tabata e chispa cu a hib’é na skirbi e historia di bida di su mayornan y antepasadonan.