Workshop Building Resilient Brands: Strategic Communication, Public Relations and Sustainable in Action tabata hopi informativo y interesante

A parti e workshop  den dos topico: 

• ‘Strategic Communication & Public Relations;’ 
• ‘Sustainable in Action.’

Ghislaine de Windt- experto den ‘Marketing & Public Relations’ y actualmente trahando na Tierra del Sol Resort & Golf by Iberostar, a presenta e prome parte cu e  siguiente topiconan:

• Introduccion di PR & Comunicacion;  
• Pakico e ta importante, kico un PR por haci pa bo empresa y un par di ehempel di bon PR;
• Diferencia entre ‘PR Strategies vs. PR Campaign’;
• Tres tipo di media cu nos conoce den PR y tres tipo di audiencia, con pa comunica cu cada un di nan;
• PR Key Metrics;
• Con pa implementa un strategia di PR cu ta genera clientenan potencial, haci bo marca famoso y   crea un comunidad;
• Uza PR pa crea un trafico riba bo website;
• Con pa maneha y midi exito di un plan di PR y comunicacion;
• Skirbi comunicado di prensa y genera storianan;
• Genera autoridad y liderazgo intelectual mediante medionan di comunicacion;

Na final di e sesion aki, sra. Ghislaine a haci un ‘Quiz’ cu e grupo pa wak si nan a comprende e materia presenta y tambe a presenta un par di scenario di ‘Crisis Management’ como un actividad chikito pa nan a discuti den grupo.

Despues Dae Hereira, un experto den sostenibilidad y actualmente trahando na Iberostar, kende a presenta e siguiente topiconan:

• E practicanan di sostenibilidad na Aruba riba e tereno di maneho di desperdicio, cuminda/agricultura, medio ambiente, transporte, comunidad y informacion;
• A focus riba e parti di ‘Linear Economy’, kico ta encera esaki, e modelo actual y a pone enfasis riba cada parti di e modelo actual;
• A trata e parti di ‘disposal’ y ‘waste’;
• A recomenda pa tira un bista riba ‘The Story of Stuff’ riba Youtube pa ta mas consciente riba e topico aki;
• A haci e pregunta na e grupo: Abo por sa ‘na unda bo sushi ta bay’?;
• A splica e sistema di reciclahe cu tin actualmente na Aruba;
• Kico nos por haci den e parti di reduci, reuza, drecha, y recicla na Aruba;
• A pone enfasis riba e servicio di reciclahe di plastic na Aruba;
• A splica riba e importancia di economia circular y su componentenan;
• A recomenda pa bishita e website di Arubazerowaste. 

Na final sra. Dae Hereira a pone hopi enfasis riba e topico di medio ambiente.

Durante y despues di e presentacion e oradoranan a contesta tur e preguntanan cu bin di parti di e participantenan. E contestanan ricibi tabata satisfactorio y comprendibel. 

E workshop aki a tuma luga na Departamento di Asuntonan Economico y a haya un participacion di en total 20 persona.  

E siguiente y ultimo workshop pa aña 2024 lo ta ‘Kid$ BIZ Market’ cu ta special pa nos muchanan di entre 9 te cu 11 aña di edad. Esaki lo tuma lugar dia 18-19-20 december 2024. Participacion ta GRATIS. Registracion lo habri PRONTO. 

Por sigui nos riba Facebook page @Idea-Aruba pa haya mas infomacion tocante e ‘Kid$ BIZ Market’ venidero