E topico tabata con pa reconoce documentonan oficial, y e forma con awendia ta traha documentonan fraudulento.

E ta di suma importancia pa nos profesionalnan ta bon prepara riba e tema aki, pa por detecta documentonan falso debidamente.

Mundo y tecnologia ta birando mas moderno, y esaki ta pone cu tur hende ta bira mas creativo. Aruba ta den recuperacion, cu ta positivo, pero cu esaki, e isla ta atrae tambe infuencianan malo, cu talves por drenta solamente cu documentonan falso. P’esey cu cada paso pa bay padilanti, mester percura pa autoridadnan ta bon prepara, pa sigura cu Aruba ta keda un isla sigur.

Prome Minister Evelyn Wever-Croes ta hopi satisfecho cu a VDA y CBSA a duna e curso aki y cu e participacion di e grupo grandi di profesional local cu a forma parti di e training aki, cu ta mas actualisa, pa asina por detecta paspoort, cedula y/of otro tipo di documento cu mester pa drenta un pais, cu por ta falso.