Tur persona di nacionalidad Hulandes na Haiti: Registra pa e servicio di informacion

E situacion na Haiti ta sigui deteriora y ta particularmente preocupante na e capital Port au Prince. 

Ministerio di Asuntonan Exterior di Reino Hulandes ta pidi encarecidamente na tur persona di
nacionalidad Hulandes cu ta na e momentonan aki na Haiti, pa registra via e servicio di
informacion . Di e forma aki Reino Hulandes
por tin un bista ken y cuanto persona ta na e pais pa asina por mantene nan informa di cualkier
escalacion y por brinda yudansa, por ehempel si mira oportunidad pa sali for di Haiti. 

Kico a haci te na e momentonan aki? 
Ministerio di Asuntonan Exterior di Reino a tuma contacto telefonico cu personanan di
nacionalidad Hulandes cu ta residencia na Haiti. E esfuerso aki a demostra cu ta un cantidad
limita tin estableci na Haiti y te na e momentonan aki no a ricibi peticion pa asistencia. 
Dia 5 di maart 2024 Reino Hulandes a duna un conseho negativo di biahe pa Haiti y pa e
personanan cu ta na e pais pa bandona Haiti. Dia 7 di maart ultimo a personanan di nacionalidad Hulandes cu a registra a ricibi un mensahe. 

Sea consciente cu Reino Hulandes no tin un embahada na Haiti. Tur servicio pa personanan di
nacionalidad Hulandes cu ta encontra nan mes na Haiti ta ser duna door di e embahada Hulandes na Santo Domingo, Republica Dominicana cu e sosten di e Consul Honorario di Haiti na Port au Prince. 

Conseho di biahe: 
Pa mas informacion y conseho di biahe pa Haiti  subi e website di Ministerio di Asuntonan Exterior di Reino Hulandes: www.nederlandwereldwijd.nl