Tratado di Ramsar

 E “Wetland Convention” ta dirigi riba e proteccion di area cu ta rico na awa (wetlands). Ta yama e tratado tambe e “Ramsar Convention” cu ta e luga na Iran unda cu a sera e tratado aki na aña 1971. Formalmente e tratado a bin na vigor dia 21 di december 1975. E paisnan cu ta participa ta obliga di apunta moerasn, lago, plas y areadi lama cu no ta hundo cu ta cay bou di proteccion di e tratado. E tratado ta dirigi mas tanto riba proteccion di e parhanan di awa cu tin den e areanan aki.

A realisa e tratado door cu “wetlands” tin un funcion importante den maneho di sistema di awa y nan ta luga unda tin flora y fauna particular ta crece y biba, specialmente parha di awa. E areanan aki ta cumpli cu funcion fundamental ecologico pa parha di awa cu durante nan pasada (biaha) ta bula y pasa frontera. E areanan di awa por fungi como luga di parada of como luga pa broei. Nan ta hunga un rol importante como un conexion den e cadena internacional di e sitionan cu ta suministra cuminda pa e parhanan.

Na aña 1980 Reino Hulandes a ratifica e convenio y a presenta na e convencion 43 luga rico na awa, di cua cinco ta na Antiyas Hulandes (tur ta na Boneiro) y uno na Aruba cu ta Spaans Lagoen (Ramsar sitio no. 198).
Door cu Spaans Lagoen no ta midi oficialmente, nunca a implementa e tratado di Ramsar, no tin ley di ehecucion. E tratado di Ramsar ta contene solamente indicacion pa mas maneho nacional. Pero e tratado di Ramsar ta na vigor, kiermen cu mester tene cuenta cune.