Tin mas di 3000 persona cu ta sperando pa haya un cas

E file aki ta den archivo.

ORANJESTAD – Recientemente Prome Minister Evelyn Wever-Croes, hunto cu Minister di Finansa y Cultura, Xiomara Maduro a reuni cu ehecutivonan di FCCA. 

Durante e reunion aki a trata e tema di e necesidad di vivienda na Aruba, specialmente vivienda social.

Na 1979 a lanta FCCA (Fundacion Cas pa Comunidad Arubano) cu e meta pa yuda Gobierno logra construi cas y vivienda social pa tur hende na Aruba por tin un dak riba nan cabes.

E demanda pa vivienda ta grandi, tin mas di 3000 persona cu ta sperando pa haya un cas y FCCA no tin e capacidad pa construi e cantidad aki. Mirando e posicion financiero di Aruba, Gobierno tin espacio pa crea y destina fondo pa FCCA por construi vivienda nobo. Ta trahando riba un convenio pa yega na otro pa asina facilita e trabounan den futuro y garantisa cu cada aña lo construi un minimo di 200 cas pa por cumpli cu e necesidad cu tin.

Prome Minister Evelyn Wever-Croes, hunto cu Minister di Finansa y Cultura, Xiomara Maduro a reuni cu ehecutivonan di FCCA.