Cuenta di banco local 

Na momento cu un studiante ta haya Arubalening, esaki ta pasa riba un cuenta di banco local na nomber di e studiante. E cuenta por ta hunto cu un mayor pero e mester ta primeramente na nomber di e studiante. Den caso cu ta bay studia den exterior, mester avisa banco pa haci esaki un “Non-Resident Student Account”. Por haci esaki na momento cu ta habri e cuenta di studiante. Manera cu e cuenta di banco ta cla, e studiante tin cu upload un prueba di esaki den su Arubalening Portal. Riba e prueba mester por wak e nomber di banco, di e studiante y e number di cuenta. 

Pa habri un cuenta di studiante, algun banco ta pidi un comprobante cu lo ricibi Arubalening. Por pidi e prueba aki solamente via WhatsApp di Arubalening na +297 594 4140. Na momento cu pidi e declaracion aki, mester inclui nomber completo y fecha di nacemento di e studiante pa DEA por traha esaki. 

E preparacionnan cu tin cu haci prome cu sali pa exterior como studiante ta hopi, pero si cuminsa cu na tempo, por kede cla na tempo.

Pa cualkier pregunta relaciona cu Arubalening por manda un email na arubalening@ea.aw of un whatsapp na 594-4140.  

Pa mas informacion bishita www.ea.aw y busca Arubalening (Portal) na letter A den e alfabet menu. Tambe ta sugeri studiantenan pa sigui Departamento di Enseñansa Aruba riba Facebook y/of Instagram @EducationAruba pa keda na altura di tur informacion.