Meta di STEPS 2023 tawata pa colecta informacion valioso riba salud di nos comunidad di forma cu organisacionan encarga cu maneho di salud publico por haya un bista actual di e salud di nos poblacion pero tambe conoce e factornan di riesgo cu por conduci na malesanan cronico. Conociendo e factornan aki e diferente organisacionnan lo por traha riba maneho nobo mas dirigi riba mehoracion di e salud di nos hendenan.

Riba e topico di presion halto STEPS a conclui cu 19% di Aruba su populacion di adulto tin presion halto. Entre edad 18 cu 29 aña, 9% di nos populacion tin presion halto y 43% di nos populacion entre edad di 60 cu 69 aña tin presion halto. Presion halto ta aumenta cu edad y ta mas comun cerca e hende homber cu cerca e hende muhe. Presion halto ta conduci na problema di curason, ader, bista, riñon y stroke.

Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw