Si riba dia di voto abo no tin bo carchi di voto pasa na Censo
ORANJESTAD – E personanan cu no a ricibi nan carchi di voto, ainda tin chens pa busca esaki.
Censo ta duna tur, cu no a ricibi nan carchi di voto, e oportunid pa pasa ainda awe pa busca esaki.
Mester presenta cu un identificacion valido (ID, Paspoort, Rijbewijs).
Censo a ricbi hopi carchi di voto bek di Post Aruba NV y despues di evalua e situacion a yega na e siguiente procedimento:
- FAMIANAN BIBANDO DEN MESUN HOGAR:
Si tin miembro(nan) di famia cu no a ricibi nan carchi di voto, otro miembro di e hogar por pasa personalmente cu e identificacion(nan) valido di e miembro(nan) di famia pa busca e carchi di voto.
- BUSCA CARCHI DI VOTO PA OTRO HENDE:
Un persona cu ta desea di busca e carchi di voto pa otro hende, mester presenta cu un apoderacion firma y un identificacion valido di e persona cu a duna e apoderacion.
E orario pa busca esaki ta di 8:00 am pa 06:30 pm solamente na oficna principal di Censo na Schoolstraat 2.