Scol Saludabel Aruba cu training pa "Gezonde School Adviseurs" y "Gezonde School Coordinators"

Na e training aki a participa un grupo di profesional di diferente departamento di gobierno manera, Departamento di Salud Publico su seccion di Jeugdgezondheidszorg y Health Promotion y Departamento di Asunto Social. Ademas, a participa un grupo di maestro di diferente scol cu ta den e proceso pa bira un Scol Saludabel. Esaki a encera docentenan di Movecion y Salud, coleganan docente, interne begeleiders y/of schoolleiders. A duna e training na Directie Volksgezondheid y edificio di Departamento di Enseñansa (sala MFR).

Durante e siman aki, e participantenan a haya un training intensivo riba e concepto di Scol Saludabel. Esaki a encera profundisacion di e pasonan di e proceso di Scol Saludabel. Cu esaki lo por conta cu mas ‘Gezonde Schooladviseurs’, cu ta personanan cu lo guia y duna conseho na e scolnan den e proceso pa bira un Scol Saludabel.

E ‘Gezonde Schoolcoordinators’ a adkiri habilidad y conocemento pa por implementa actividadnan di Scol Saludabel den nan respectivo scolnan.  

Drs. Swinda Dumfries, coordinador di team Gezonde School Adviseurs ta gradici Ministerio di Salud Publico, Ministerio di Enseñansa y Ministerio di Asunto Social pa nan cooperacion pa por a haci e dianan di training aki posibel. Por wak bek riba un siman di training exitoso y fructifero.

Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw , yama nos na 5224200 of mail nos na servicio@dvg.aw.