Revitalisacion di Oranjestad Fase 3 a inicia den area di Lagoen
ORANJESTAD – Dia 1 di october 2024, a inicia cu e ‘ground-breaking’ di fase 3 di Revitalisacion di Oranjestad, den e area di Lagoen, pa ser exacto na altura di Irenestraat y Caya Mario E. Harms.
E proyecto ta encera renobacion di e area completo, caminda lo tin expansion di parkeo y ‘taxi
standplaats’, mas iluminacion, y instalacion di stacionnan pa recarga autonan electrico. E ‘charging station’ nobo aki lo duna posibilidad pa 4 auto electrico carga simultaneamente.
E proyecto aki ta planea pa finalisa den e prome siman di december 2024 y ta parti di e esfuerso holistico di mantencion y revitalisacion di Oranjestad. Fase 1 y 2 cu ta e embeyecemento di Wilhelminastraat ta cla, e renobacion di Cas Veneranda ta avansando segun plan, cumpliendo cu esfuersonan pa trece mas departamento di gobierno bek den nos centro di
ciudad.
Fase 3 ta pa sostene inversionnan priva ya caba haci y tambe esnan cu ta planea pa inicia den e area. Tur esaki ta parti di e vision pa clasifica Oranjestad como un ciudad culinario, treciendo mas trafico, peaton y haci comercio mas rendabel den un ambiente mas sigur y accesibel.