Resultado provisional di eleccion

Resultado di eleccion riba e anochi di eleccion

Inmediatamente despues cu tur urna electoral a cera y tur votado presente na e momento ey a caba di deposita nan voto, ta seya e urna. Siguientemente e urna electoral ta determina for di informacion compila durante dia (sin habri e urna), lo siguiente:

• Cuanto votado a presenta;
• Cuanto stembiljet a wordo parti;
• Cuanto stembiljet a wordo hinca den e urna;
• Cuanto votado a nenga di acepta un stembiljet;
• Cuanto stembiljet a wordo entrega bek y a wordo haci inusabel;
• Cuanto stembiljet no-uza a resta.

Despues ta pasa pa habri e urna (stembus) y ta conta e votonan. E urna electoral ta determina pa loke ta trata cada lista e cantidad di voto pa cada candidato como tambe e total di voto pa e lista. Tambe ta determina cual voto ta invalido y pues no ta wordo conta den e resultado final.

Inmediatamente despues di conta e votonan, e presidente ta duna di conoce pa loke ta trata cada lista e cantidad di votonan pa cada candidato, como e total di e votonan emiti.

Telefonicamente e urna electoral ta pasa e resultado di cada partido, e cantidad di voto valido y invalido pa Conseho Supremo Electoral. Despues cu Conseho Supremo Electoral a controla e resultado di e urna y na su turno e ta pas’e pa Centro di Prensa cu ta anuncia e prome resultado provosional di e urna na e miembronan di prensa cu ta presente.

E urna ta traha proces-verbaal di e resultado di eleccion na e urna ey y ta pone na disponibilidad di Conseho Supremo Electoral.

Reparticion di asiento

Basa riba e cantidad di voto ta stipula cuanto asiento e diferente partidonan ta haya. Ta reparti e cantidad di asiento, esta 21, den un forma mas proporcional posibel entre e partidonan. Den e calculacion di e cantidad di asiento ta calcula prome e kiesdeler. Un kiesdeler ta un cifra cu ta indica e votonan necesario pa por haya un asiento respalda door di kiesdeler. Mas specifico e total di voto valido dividi door di 21. E resultado di esaki (rond af bay abou) ta indica e cantidad di asiento (cu ta respalda pa e kiesdeler) cu ta duna un partido.

Calculacion reparticion di asiento (respalda door di kiesdeler)

Total = cantidad total di voto valido
Kiesdeler = total dividi door di 21 (cantidad di asiento den Parlamento)
Cantidad di asiento pa partido (respalda pa kiesdeler) = total cantidad di voto valido pa partido dividi door e kiesdeler y rond af bay abou.

Den articulo 91 di e ley electoral ta para con mester calcula e asientonan respalda door di kiesdeler pa lista. (texto na Hulandes):

1. Het hoofdstembureau deelt de som der stemcijfers van alle lijsten door het aantal te vervullen plaatsen.
2. Het aldus verkregen quotiënt wordt kiesdeler genoemd.
3. Even zovele malen als de kiesdeler is begrepen in het stemcijfer ener lijst, wordt aan die lijst een der te vervullen plaatsen.

Sinembargo, den practica semper ta resta asiento. E asina yama asiento restante. Ora di reparti asiento restante ta uza e sistema di e promedio mas grandi. E calculacion di e promedio ta segun e siguiente formula. Pa cada lista cu den prome instante ta haya un of mas asiento respalda pa e kiesdeler ta calcula e promedio despues di duna un asiento restante. E promedio ta e cantidad di asiento cu e partido a haya basa riba e kiesdeler plus 1 asiento restante dividi door di total di voto valido di e partido. Despues ta duna e lista cu e promedio mas halto un asiento restante. Ta duna e probabel siguiente asiento restante segun e mesun sistema aki.

Pa loke ta trata e dunamento di asiento restante e ley electoral ta stipula lo siguiente:

1. Van de plaatsen welke na toepassing van artikel 91 nog te vervullen zijn, wordt achtereenvolgens telkens een plaats toegekend aan de lijst, welke na toekenning der plaats het grootste gemiddelde aantal stemmen per toegekende plaats zou aanwijzen. Indien gemiddelden gelijk zijn, beslist het lot.
2. Bij deze toekenning komen niet in aanmerking lijsten waarvan het stemcijfer lager is dan de kiesdeler.
3. Indien door toepassing van artikel 91 aan een lijst één of meer plaatsen zouden moeten worden toegekend boven het aantal hare kandidaten, worden de overblijvende plaats of plaatsen aan één of meer der andere lijsten toegekend door voortzetting van de toepassing van het eerste lid van dit artikel.

Calculacion reparticion di asiento restante

E reparticion di asiento restante cu a tuma luga durante e eleccion pa miembro di Parlamento riba September 2017 ta  ilustra e metodo describi anteriormente.

Cantidad di persona cu derecho di voto 70.750
Cantidad di voto valido 58.652
Cantidad di asiento 21
Kiesdeler 2.792 (= 58.652: 21)*
* Kiesdeler = e total di voto valido dividi door di e total di asiento disponibel.

Pa por bin na remarke pa un asiento respalda pa kiesdeler, un partido mester por a haya minimal 2.792 voto.E partido ta haya mes tanto cantidad di asiento respalda door di kiesdeler cu e  biaha cu e ta logra yega e kiesdeler. Pues e cantidad di voto valido ricibi pa un partido dividi door di e kiesdeler ta determina e cantidad di asiento respalda cu e partido ta haya (ta rond af e resultado di e division bay abou).

Reparticion asiento respalda pa kiesdeler

Awor tin en total 17 di e 21 asientonan reparti. Falta ainda pa duna cuater asiento.

E partidonan RAIZ, PPA/UPP, CURPA y MAS no a logra e kiesdeler y no ta haya ningun asiento respalda pa kiesdeler y tampoco ta bin na remarke pa haya un asiento restante. E metodo pa duna un asiento restante ta cada biaha igual y ta bolbe ripiti cu un resultado intermedio te ora reparti tur e asientonan.

E calculacion di e prome asiento restante ta manera lo siguiente. Ta dividi e cantidad di voto pa partido pa e cantidad di asiento respalda pa kiesdeler mas uno. 

Reparticion prome asiento restante 

*POR tin e promedio mas grandi y ta haya e prome restzetel.
Pa calcula e siguiente asiento ta cambia solamente e promedio di POR. E calculacion di e di dos asiento restante ta manera lo siguiente: 

Reparticion di di dos asiento restante 

*MEP  tin awor e promedio mas grandi y ta haya e di dos asiento restante.
Pa asigna e di tres asiento restante ta cambia unicamente e promedio di MEP

Reparticion di di tres asiento restante 

*AVP  tin awor e promedio mas grandi y ta haya e di tres asiento restante.
Pa asigna e di cuater y ultimo asiento restante ta cambia unicamente e promedio di AVP.     

                
Basa riba e cifranan aki MEP ta haya e di cuater y ultimo asiento restante. Siguientemente ta agrega e asiento restantenan na e asientonan cu MEP, POR  y AVP ya a haya door di e kiesdeler. Asina ta haya e cantidad total di asiento riba cua e partido tin derecho. E resultado final ta manera lo siguiente:

Reparticion di asiento

Resultado di voto individual

Riba e siguiente dia despues di eleccion, Conseho Supremo Electoral ta controla e votonan individual y ta stipula cua di e candidatonan  riba e lista a keda eligi como miembro di Parlamento. Pa esaki ta uza den principio e areglo di voto preferencial, manera indica den e articulonan 94 te cu 98 di e ley electoral. 
Pa concede e asientonan cu e partido a haya na su candidatonan ta haci lo siguiente:

• Ta calcula e kiesdeler di e lista door di dividi e cantidad di voto cu e partido a haya door di e cantidad di asiento cu e partido a haya;
• Ta eligi e candidatonan  cu a haya un cantidad di voto igual of mas na e kiesdeler di e lista;
• Ademas ta scoge e candidato cu despues di traspaso for di e surplus (voto restante di e candidatonan) ta logra e kiesdeler di e lista, manera cu ta stipula den articulo 94 inciso 2 di e ley electoral;
• Si ainda e lista tin asiento cu no ta concede na un candidato, ta bay over na selecta candidatonan cu tin un cantidad di voto igual of mas cu e mita di e kiesdeler di e lista;
• Si ainda e lista tin asiento cu no ta concede na un candidato, es ora ta reparti e asientonan entre e canditatonan segun e secuencia di e lista.

E ora Conseho Supremo Electoral ta presenta e di dos resultado preliminar na prensa.