Recordatorio: SVB a introduci cambio den orario pa notifica AO
ORANJESTAD - Entrante prome di maart 2025 SVB a introduci algun cambio den e servicio na trahadonan cu ta desea di notifica (meld) AO.
Pa meld AO por uza e “MiSVb Trahado App” di dialuna pa diabierna entre 7or di mainta y 3or di atardi, lo por meld AO via di telefon tambe, pero unicamente entre 7or di mainta y 12or di merdia di dialuna pa diabierna.
Durante di fin di siman y dianan liber por meld AO unicamente via di “MiSVb Trahado App” entre 7or cu 11or di mainta. Notificacion di AO via di telefon durante di fin di siman y dianan liber no lo ta posibel.
Por wak e dia y orario nobo den e tabel aki:
| MiSVb Trahado App Orario Nobo entrante 1 maart 2025 | Telefon 527-2782 Orario Nobo entrante 1 maart 2025 | |
| Dialuna – diabierna 7:00 AM – 12:00 PM | √ | √ |
| Dialuna – diabierna 12:00 PM - 3:00 PM | √ | X |
| Weekend y dianan liber 7:00 AM – 11:00 AM | √ | X |
SVB ta recorda clientenan cu e orario pa solicita un consulta medico ta unicamente di dialuna pa diabierna entre 7or cu 9or di mainta.
Un trahado cu a meld AO via di "MiSVb Trahado App" y sigui malo riba e di 3 dia mester solicita un consulta medico via di e “MiSVb Trahado App” mes entre 7or y 9or di mainta.