Recordatorio control preventivo Carnaval 71
ORANJESTAD - Ministerio Publico y Cuerpo Policial di Aruba ta informa un y tur cu polis lo controla preventivamente pa detecta posesion di arma di candela e weekend aki di Carnaval.
- Durante Lighting Parade na Oranjestad riba 22 di februari 2025 te 23 di februari 2025 di 20.00 or te 03.30 or
- Durante Parada di Mucha na San Nicolas riba 23 di februari 2025 di 13.00 or te 18.30 or.
Huez-comisario riba peticion di Ministerio Publico, a autorisa Polis pa para personanan y controla na nan paña. Banda di esey nan ta autorizsa pa habri tas y pakinan y busca den nan, y pa busca den autonan, brommernan y otro vehiculanan pa detecta posesion di arma di candela.
