Quota Club cu charla informativo na scol relaciona cu temporada di Carnaval

E charlanan di Quota Club ta un tradicion di hopi aña, cu e meta pa crea conscientisacion entre nos muchanan pa cu e importancia di uza “earplugs” na eventonan carnavalesco unda cu e musica ta hopi duro y por afecta nan oido.

Quota Club a gradici directiva di Sint Dominicus College pa habri e oportunidad pa por a duna e charla importante aki na nos muchanan. E muchanan tabata sumamente interesa den e tema y hopi tabata bon informa.

Carnaval ta un periodo hopi gusta pa nos comunidad, pero ta importante pa comunidad completo y specialmente nos muchanan por gosa di e temporada dushi aki sanamente y cuidando nan oido. Nos oido ta loke ta comunica nos cu resto di mundo y ta importante pa no perde, y sigur no na un edad hoben.