Proyecto di Aruba Mural Festival hunto cu Fundacion Artisa y TPEF ta forma parti di Art Week.

Di 2018, Ministerio ta dunando sosten financiero na e proyectonan sumamente exitoso di Fundacion Artisa. Desaroyonan y eventonan di San Nicolas semper ta un prioridad pa sigui transforme den cuidad cultural, cu ta conoci pa ta e art capital den Caribe. Semper e meta tabata ta pa San Nicolas ta un cuidad cu hopi potencial cu por atrae e cantidad di bishitante y crea mas trafico y oportunidad den e sector turistico.

Diferente proyecto y evento pa San Nicolas ta andando manera:

• Baby beach fase 1 cu 2 a entrega y drento di poco lo cuminsa cu fase 3
• Proyecto pa embeyece y organisa Rodgers Beach;
• Renobacion trapi di Rodgers Beach;
• Reapertura di Visitor informacion Center di ATA;
• Tours di atraccion pa arte y murals;

• Island Festival unda turista y nos localnan por bin Pariba di Brug y disfruta di cuminda autentico y nos musica local.
  
  E partnership di TPEF cu Fundacion Artisa ta uno di importancia, como semper TPEF su fondonan ta pa financia diferente proyectonan manera embeyecemento, conscientisacion y proyectonan pa cultura y arte. 

  Minister di Turismo y Salud Publico Dangui Oduber ta contento cu proyectonan asina y cu ta atrea y promove San Nicolas. Tin diferente eventonan den Art Week cu lo tuma luga den e siman di 2 pa 8 di September cu ta Aruba mural festival, Art Table, Art Talk, Art Fashion y Art Fair.