E traspaso di poder entre e Presidente saliente, sr. Laurentino Cortizo y e Presidente nobo, sr. José Raúl Mulino, ta tuma luga dialuna prome di juli 2024 na e capital di Panama, Panama City. Prome Minister ta atende e traspaso aki den nomber di Reino Hulandes y di Aruba hunto cu varios otro Hefe di Estado.

Na su yegada diadomingo na Panama, Prome Minister, riba invitacion di Presidente saliente sr. Cortizo, a asisti na e cena di despedida. Dialuna anochi, Prome Minister lo reuni cu sector priva di Panama pa estrecha relacionnan mas ainda cu Panama y encurasha nan pa haci negoshi cu Aruba creando asina mas oportunidad pa desaroyo di nos pais.