Prome Minister a entrega Relato Anual 2024 di su ministerio na Biblioteca Nacional

Tur aña Prome Minister ta traha e relato anual hunto cu e hefenan di e departamentonan bou di su ministerio. E relato aki ta consisti di tur e logronan di su ministerio, retonan cu a enfreta, loke gobierno no a logra y con lo bay traha pa logra esakinan.

Na 2018, a traha e prome relato, y despues cada aña a cumpli cu esaki y a haci esaki accesibel pa comunidad. Ademas tur aña a entrega un copia di e relato anual na Biblioteca Nacional cu ta pone den e departamento di Arubianita pa asina e bira parti di nos historia. Esaki ta bira parti di historia den e archivonan importante na Biblioteca Nacional.

Den e relato por siña kico gobierno a haci durante e pandemia mas grandi na mundo den e ultimo decadanan esta Covid-19, tur e retonan/ negosiacionnan cu Hulanda pa cu esaki, e crisis cu Venezuela, y e crisis ora Merca a cambia gobierno.