Programa di vacunacion contra Influenza y COVID-19 den bario

Pa proteha e grupo di ciudadano di riesgo den nos comunidad bira hopi malo, desaroya complicacion of fayece debi na infeccion cu e virus di Influenza of COVID-19, lo cuminsa ofrece e vacuna anual di Influenza y COVID-19 den bario den e unidad mobil di Crisis Management Office (ex-Bureau Rampenbestrijding).

Ciudadanonan cu ta cay bou di grupo di riesgo cu por pasa vacuna na e unidad mobil ta:

• Adultonan mayor di 60 aña of mas;
• ciudadanonan entre edad di 18 cu 59 aña cu anualmente riba conseho di dokter of specialista ta busca nan vacuna di Influenza (cu recept di dokter). Esaki ta inclui esnan cu obesidad (BMI ≥40);
• adulto y mucha cuminsando for di 6 luna di edad cu ta mentalmente incapacita (cu recept di dokter)
• adulto y mucha cuminsando for di 6 luna te cu 59 aña cu riesgo medico halto por ehempel es cu ta sufri di malesa cu ta debilita nan sistema inmunologico (cu recept di dokter);
• hende muhe na estado rond di 22 siman. Pa maximo proteccion ta conseha pa vacuna den e di 2 trimenster di embaraso (cu recept di partera)

Riba e dianan menciona aki bou, DVG lo ta den diferente bario unda cu esnan den e grupo di riesgo por yega mas facil cerca nos pa busca nan vacunanan. Ta importante si pa tene na cuenta cu algun persona di e grupo di riesgo mester un recept di dokter di cas. Durante e bishitanan den bario lo tin e vacuna di Influenza y tambe COVID-19 disponibel.

Entrante 6 november, DVG ta brinda e servicio di vacunacion na nan Seccion di Malesa Infeccioso di Dialuna pa diabierna di 8:30 am -12:00 pm y 1:30 pm - 4:00 pm.

Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw.