President di Surinam Chan Santokhi y First Lady a yega Aruba

E file aki ta den archivo.

ORANJESTAD – Riba 21 di october 2024, cu e vuelo di Surinam Airways, President Chan Santokhi, su esposa First Lady y Presidente di Relacion Exterior señor Albert Ramdin, a yega Aruba. 

Prome Minister Evelyn Wever-Croes hunto cu e guardia di honor di cuerpo policial, acompaña pa e himnonan di Aruba, Hulanda y Surinam a  ricibi nan na nan yegada.

Prome Minister a acompaña President Santokhi y su esposa pa nan hotel na unda nan lo keda en espera di inicio di nan programa. E programa ta encera un bishita na Gobernador di Aruba, un reunion cu Parlamento di Aruba, un reunion cu Conseho di Minister di Aruba, y un encuentro cu e comunidad comercial. 

Na final di e dia, President Santokhi y su esposa lo disfruta di un cena acompaña pa Prome Minister y Minister di Asuntonan Economico, Comunicacion y Desaroyo Sostenibel Geoffrey Wever
 

President di Surinam Chan Santokhi y First Lady a yega Aruba.