Presentacion di cinco buki di Herbert I. Díaz "Poder"

E cinco bukinan aki ta trata e topico di poder, for di diferente angulo y perspectiva. 
E presentacion ta tuma luga diahuebs anochi, 24 di april di 6’or pa 8’or. E bukinan ta na Ingles pero e presentacion lo ta na Papiamento. 

Poder ta algo cu hende hopi biaha ta tuma pa sigur. Den su esencia, e ta un idea simpel, pero den practica, e ta complica. Segun e filosofo frances Michel Foucault, e ta presente na tur nivel y na tur area di actividad humano. Esaki ta haci di dje un topico cu tur hende mester ta familiarisa cu ne. 

Herbert I. Diaz a skirbi cinco volumen tocante e tema fascinante y esencial aki.

• A Brief Exploration of Power; Personal, Societal, and Global. E volumen aki ta explora poder for di varios perspectiva, identificando nivel di consciencia, cultura, bista riba mundo, balornan, y ego como fuente potencial di problemanan social. 
• Boosting Power in Organizations; Understanding and Improving the Strength of Production and Service Administrations. E volumen aki ta enfoca riba con uza poder pa yega na exito den organisacion. E ta pone e base pa un teoria y practica tocante e uzo positivo y eficiente di poder, specialmente den organisacion di produccion y servicio. 
• A Praxeology of Power; For Organizations and Businesses. E volumen aki ta explora accion humano y comportacion intencional, ofreciendo un teoria original di poder basa riba practica y un modelo pa un organisacion por evalua su capacidad prome cu ehecuta plannan strategico y operacional. 
• Cultivating Dynamics, Values and Meaning; Navigating Organizational Culture, Identity, and Power. E volumen aki ta explora cultura organizacional, introduciendo e “Modelo Kaleidoscopio” di e author como un marco di clasificacion, specialmente util pa compronde gruponan di trabou cu diversidad etnico. 
• The Mindset Behind Power Actions; A Focus on the Psychological and Mental Frameworks that Drive Decisive Performances. E volumen aki ta explora e influencia di actitud y ideanan riba e manera di pensa y comportacion di un individuo, señalando e caracteristicanan nesecario pa exito y kico ta stroba nan uzo positivo.