Polis dunando bek na comunidad: cinco famia a ricibi bishita di luz di Pasco
ORANJESTAD – Ocho aña pasa un grupo di Polis a lanta e nomber di “Luz di Pasco” pa asina duna bek na nos comunidad na e famia cu mas mester di dje.
Riba 23 di December 2024 a habri cu noticia positivo pa cinco famia. Polis di districto di Oranjestad, Motor Unit y slachtofferhulp y conhuntamente cu algun amigonan manera Dixie Bakery and Donuts y Kimjen construction a uni pa un bon causa pa haci un famia feliz e Pasco aki.
Cinco famia a haya un bishita inespera di amigonan Polis cu a bin carga cu man nan yen yen di articulonan manera comestibel pa asina nan tambe por tin un Pasco Feliz maske cu e situacion ta difícil.
Cada aña ta escohe un famia diferente pa asina nan tambe por pasa un Pasco Feliz y habri un aña nobo cu speransa