Polis di Bario a ricibi vehiculo policial nobo
ORANJESTAD – Recientemente, den presencia di Alto Comisario Ramon Arnhem y Minister di Justicia Rocco TJon, Yrausquin & Sons a haci e entrega di cuater vehiculo Mitsubishi XPander 2025.
E cuater vehiculonan aki ta un paso pa e direccion nobo cu Polis di Bario lo bay. A “brand” e autonan aki cu e mesun diseño cu e vehiculonan di Cuerpo Policial y a añadi e palabra “Bario” riba e vehiculonan.
Pa Alto Comisario Arnhem esaki ta nifica un imagen nobo pa departamento di Polis di Bario. Polis di Bario ta cambiando e imagen di Polis di Bario, pa cual ta inverti den tanto e parti material como e parti educacion di e personal. Asina recien, un grupo di Polis di Bario a termina un curso di Comunity Oriented Policing duna pa Miami Dade College y un opleiding di Wijkagent duna pa Nederlandse Politie Academie.
E vehiculonan nobo aki ya caba a subi caminda y ta cla pa e personal di Polis por haci uzo di dje.
Cada Districto a haya un vehiculo di “Bario” pa asina nan por haci nan trabou mas optimal.