Plan desaroyo ordenamento teritorial

Desaroyo Teritorial di Aruba 2019 (ROP 2019) 

Riba 15 di januari 2019 a publica un concepto pa un Plan pa Desaroyo Teritorial di Aruba nobo. Te cu 15 di maart 2019 a brinda oportunidad pa entrega punto di bista (zienswijze). E concepto a wordo ahusta y contestacion riba tur punto di bista cu a entrega a keda incorpora den e Nota riba Punto di Bista (Nota Zienswijzen). Por medio di Decreto Nacional no. 1 di 17 di juli 2019 e Plan pa Desaroyo Teritorial di Aruba 2019 (ROP 2019) a keda ratifica.

Por download y tambe tuma nota di forma digital di e ROP 2019, e mapa, e Decreto Nacional no. 1 di 17 di juli 2019, e splicacion riba ROP 2019, e Nota riba Punto di Bista y un mapa di structura ecologico principal:

Por tuma nota di ROP 2019 na oficina di Departmento di Infrastructura y Planificacion (DIP) tambe. 

Siguientemente por haya informacion relaciona cu e prome ROP (bieu).

E ROP (Plan di desaroyo teritorial) ta sirbi pa duna forma na un ordenacion teritorial di e teritorio Arubano. E ta sirbi como un guia ora di tuma decision tocante tipo di vivienda, medio ambiente, trafico, zona comercial y conservacion di naturalesa. E documento ta hopi importante ya cu e ta determina futuro di e teritorio di Aruba.
Pa realisa e diseño aki pa desaroyo di teritorio ta involucra tur stakeholder (grupo interesa) di gobierno como tambe di sector priva (NGO, negoshi y institutonan) como tambe ciudadano.
ROP ta un documento basa riba Landsverordening ruimtelijke ontwikkeling, y den e documento aki lo sigui referi na dje como LRO. LRO ta un “raamwet”: den dje ta describi cual instrumentonan legal mester uza pa por yega na un sistema ordena di legislacion pa desaroyo teritorial

Un instrumento importante di LRO ta e Plan di desaroyo teritorial (ROP)

E ROP ta contene:

  • Un descripcion di e desaroyo mas desea pa e teritorio di Aruba den liñanan grandi y unda cu ta necesario e fasenan den cual e desaroyo por of mester keda ehecuta (Ruimtelijk ontwikkelingsplan planbeschrijving).
  • Un of mas mapa cu e descripcion corespondiente, unda mas tanto cu ta posibel ta ilustra e desaroyo aki (ROP atlas).
  • E ROP tin un splicacion cu ta inclui entre otro (Ruimtelijk ontwikkelingsplan plantoelichting):
  • ideanan cu ta forma e base di e plan;
  • resultado di investigacion;
  • rapport tocante puntonan di bista entrega y e conseho di Raad Ruimtelijk Ontwikkeling (RRO)

Tambe a publica e rapport Rapportage Maatschappelijke haalbaarheid como un documento independiente. E rapport ta traha den tres parti:

  • un nota di punto di bista;
  • tratamento di conseho di e Raad (publica independiente, pero toch  poni como anexo;
  • proposicionnan pa ahusta e plan for di “mas punto di bista”.

Enfoke di tres capa

E ROP ta ilustra e situacion actual cu un enfoke di tres capa: e efecto di interaccion entre uzo di teritorio y subsuela natural, e conexion den e rednan y e actividadnan social den e capa di ocupacion.

Capa di suela

E capa di suela of fondo ta e sistema di relacion y bibo entre awa, suela y bida cu por haya den dje. Den suela tin un archief historico cu ta carga identidad di e paisahe.
Si mira den pasado y premira futuro, por bisa cu e situacion fisico di Aruba a determina e desaroyonan te cu awor y tambe lo determina esakinan den futuro.
Loke ta caracterisa e fondo ta e desaroyo slow di procesonan compara cu e procesonan den e capa di red y e capa di ocupacion, Esaki nifica cu e “daño” na e capa inferior tin biaha ta irecuperabel of ta tuma hopi tempo pa recupera. Esaki ta conta tambe pa diferente luga unda ta coba y ta tira sushi den forma ilegal (landfill).

Pa e suela cu ta carga e identidad panoramico, e maneho ta dirigi pa reduci gradualmente explotacion cu ta desbalansa e suela.

Capa di red

Den e capa di red e maneho ta dirigi riba un miho funcionamento di e red di caretera como sistema  di conexionnan principal y pa construi e conexionnan cu falta. Un trabou grandi ta realisacion di  ringweg 2 y 3, cu lo mester alivia e peso di trafico den bisindario di Oranjestad. Tambe den e conexion di Oranjestad-San Nicolas

mester haci e inversionnan necesario.
Pa demas red e tarea mas dificil ta mudamento di terminal di container actual pa Barcadera y e desaroyo nobo di e compleho di haf na Playa.
Pa medio di e red por stimula of para cierto desaroyonan. Asina e capacidad y suministro di WEB y ELMAR, cu mester cumpli cu e necesidad pa awa potabel y electricidad, por ehempel, parcialmente ta wordo influencia pa e grandura di e sociedad di Aruba. Procesonan di e red  fisico ta bay mas lihe cu esun di e capa di suela, pero mas slow cu esun di e capa di ocupacion. Pa siglonan caba camindanan hopi biaha tin un influencia structural riba ocupacion.
Suministro di utilidad ta un parti integral di e capa di red y ta existi di suministro di coriente, infrastructura pa purificacion di awa sushi, infrastructura pa telefon, telecomunicacion y ICT. Acceso na suministro di utilidad ta un condicion esencial pa por biba na Aruba .
Den splicacion di ROP (lesa A.3.5) ta describi mas aleu e red pa e.o. companianan di utilidad (awa, coriente y otro)

Capa di ocupacion

Capa di ocupacion ta caracterisa pa aeranan urbano fragmenta. Construccion teritorial den pleki pleki extenso (nevelvlekken), di un parti ta bin door di uzo demasiado di auto priva y di otro parti door di otorga tereno publico rond di terenonan propiedad priva.

Scarsedad di tereno cu por otorga ta sigui crece. Ta pesey ta pone e acento awo riba uzo intensivo di espacio: construccion den un densidad mas halto y yenamento di espacio habri cu tin ainda den area urbano. Basa riba e señalnan di comunidad e encargo a schuif “di mas pa miho".
Ta necesario tambe pa proteha parti di teritorio y districto cu tin un nificacion grandi pa Aruba. Nan ta e areanan vital pa diversidad, ambiente di biba, identidad y calidad di naturalesa. Pero no ta trata solamente di naturalesa valioso of aera rural extraordinario. Tambe den area economico cu ta vital mester proteha flexibilidad y reserva dirigi riba futuro.

Den Capitulo 2 di Ruimtelijk ontwikkelingsplan beschrijving ta splica e enfoke aki ampliamente.

Uni y Concentra

Pa loke ta trata teritorio ta sigui e principio di "Uni  y concentra". E guia ta:

  • concentra construccion mas tanto denter di e structura urbano actual
  • concentra facilidadnan mas tanto den e centro di e nucleonan di ciudad;
  • ubica facilidadnan na un luga adecua: facilidad na alcanse di tur hende den y rond di Oranjestad, cuido regional den centro San Nicolas, Noord y posiblemente Sta. Cruz tambe;
  • desaroya funcionamento di transporte (publico) den e structura principal aki di e sistema di urbanisacion.

 Aplicacion di e principionan aki tin un cantidad di beneficio:

  • Construccion riba tereno bashi ta mehora coherencia den vecindario, desorden ta bira menos y seguridad ta aumenta.
  • Pa construi den areanan denso (cu ya tin basta construccion caba) e necesidad pa caminda nobo, pasamento di kabel y tubería lo ta menos. Esaki ta scapa gasto y ta uza e infrastructura existente mas eficiente;
  • Construcion di vivienda banda di otro ta haci facilidad den vecindario mas necesario. Door di concentra construccion por preveni cu ta afecta area di naturalesa.
  • Pa e ciudadano ta existi mas claridad na unda por haya kico, si e tiendanan ta miho concentra den centronan di haci compras. Esaki lo haci diferencia ya cu no mester busca facilidadnan cu ta plama tur caminda riba e isla.