Parlamento a aproba proyecto Monumento Segunda Guera Mundial na Sero Colorado

E Monumento di Segunda Guera Mundial cu lo ancra e patrimonionan di Aruba y lo bira un atraccion hopi interesante cu lo crea un experiencia distinto tanto pa nos hendenan local y bishitantenan. E monumento lo ta situa na Seroe Colorado na San Nicolas.

Aruba Amenities lo ta encarga pa ehecuta e World War II Memorial. Esaki ta un comision cu tin e tarea pa upgrade/mehora e patrimonionan di Aruba y crea experiencianan nobo pa nos comunidad y bishitantenan, conforme e modelo di Orange Economy. E proyecto ta un colaboracion di DOW, ATA y sr. Dufi Kock.

Cu e monumento World War II Memorial lo enfoca riba e rol crucial cu Aruba a hunga
den Segunda Guera Mundial como suministro di combustibel na avionnan Mericano cu
tawata sostene e forsanan Aliado contra e ehercito Aleman. E ehercito Aleman bao
liderazgo di Adolf Hitler, a bombardia Aruba pa pone fin na e suministro di combustibel
na e ehercito Mericano y Aruba a pasa momentonan di hopi tension, y varios hende a
perde nan bida.

Gobierno di su parti ya a hiba combersacion cu operador di tour cu a mustra interes
grandi den dicho proyecto. Fase 2 lo inclui un recorido turistico den e area di refineria pa mira locual a resta di e refineria cu a suministra combustibel den forma strategico na e Aliadonan, y cual a contribui na e victoria y fin di Guera Mundial. E proyecto aki lo crea mas fluho di turista continuo den centro di San Nicolas cual na su turno mester crea mas actividad comercial y duna un empuhe na a area di San Nicolas.