Obra Special di Mosaico na Biblioteca Nacional
ORANJESTAD - Recientemente, Directora di Biblioteca Nacional di Aruba, sra. Astrid Britten, a haci un peticion na artista sra. Omaira Silva, pa traha un obra special pa e hardin di biblioteca.
E peticion tabata pa crea un diseño unico pa e hofi di BNA, un expresion di nos flora y fauna tipico. Asina sra. Silva a crea un obra special di mosaico y a completa esaki cu orguyo.
Sra. Omaira ta bon conoci pa su Mural art na Aruba. E tin obrannan na diferente caminda p.e. Paseo Herencia, Murals na San Nicolas di Aruba Art Fair, Costa Linda, Eagle Beach speeltuin y su studio na Ponton.
Biblioteca Nacional Aruba ta sumamente contento cu sra. Omaira Silva a traha riba un obra special na biblioteca. Un obra cu ta parti di "Hofi Joy" parti patras di e edificio principal na Oranjestad.