Ministerio di Transporte a organisa un sesion informativo pa taxistanan nobo
ORANJESTAD - Recientemente Minister di Transporte, Integridad, Naturalesa y Asunto di Adulto Mayor demisionario, Ursell Arends, hunto cu algun departamento y organisacion relevante, a tene un sesion infornativo pa esnan cu a haya permiso nobo di taxi.
Un sesion den cuadro di esfuersonan pa duna guia, conocemento y herment necesario pa opera manera debe ser, manera un entrepreneur responsabel. Durante e sesion, representantenan di Departamento di Transporte Publico, Aruba Certification Program, Aruba Conservation Foundation, RBC y Ministerio di Transporte a comparti informacion riba temanan importante cu taxistanan mester ta consciente di dje.
Tema nan cu a presenta ta entre otro:
- E demanda pa servicio di taxi den oranan di anochi;
- E responsabilidad pa cumpli cu impuesto;
- Participacion den e Aruba Certification Program;
- Vestuario;
- Maneho y ley actual;
- Posibilidad pa regla pensioen cu PFTSA.
E meta di e sesion informativo aki ta pa prepara e taxistanan pa nan opera debidamente y provee servicio di calidad. Un iniciativa cu ta enfoca riba fortalece e sector di taxi como un pilar esencial den nos sistema di transporte turistico via un maneho transparente. Minister di Transporte ta desea e taxistanan nobo tur clase di exito