Minister di Cultura ta felicita Clarette Quandus cu su buki nobo “Tradicion di Fin di Aña”
ORANJESTAD - Minister di Finansa y Cultura demisionario Xiomara Maduro, tabata presente na Biblioteca Nacional pa felicita e poeta y escritora Clarette Quandus pa su publicacion di mas nobo, su buki “Tradicion di Fin di Aña.”
Tradicion di Fin di Aña ta cubri e historia di e inicio di e Fiesta di San Juan y e canto di Dande na Aruba, specialmente den e districto di Savaneta. Pa medio di varios entrevista cu Clarette a tene cu famia y conocir di esnan activo den e celebracionnan aki, awe por nos por conta cu un buki mas cu ta relata, conserva y duna honor na e historia di Aruba y su hendenan.
Minister Maduro ta gradici Clarette pa documenta informacion di Aruba su custumbernan y e hendenan tras di esaki den nos dushi idioma Papiamento.