Meteo a emiti un aviso pa calor excesivo
ORANJESTAD -E condicionnan di tempo durante proximo 24 ora ta indica cu e humedad halto y e biento poco zwak lo pone cu nos lo bai experencia un dia mas caluroso cu normal.
Temperaturanan lo por yega 35 te 36 grado celsius den dia y lo no baha menos cu 29 grado celsius den anochi. Esaki lo aumenta e peligro pa hendenan cu no por haya un lugar adecua pa refresca nan curpa.
Calor excesivo ta e asesino di tempo nr. 1.
Hende mester ta prepara pa e peliger cu calor excesivo ta ocasiona. Mucha chikito, hende grandi y hende cu ta sufri di enfermedad di curason ta esnan mas vulnerabel. Limita actividad pafo di cas pa oranan trempan di mainta of ora solo baha. Si bo tin un airco cu ta funciona uzele of a lo menos habri bentana pa laga aire pasa y circula.
Accion di precaucion
Un aviso pa calor excesivo ta nifica cu ta spera un periodo di temperatura halto.
E combinacion di temperatura y humedad halto lo combina pa crea un situacion den cual
malesa causa pa exposicion prolonga na temparatura halto lo por presenta. Bebe hopi likido, keda den camber cu airco, keda aleha for di solo y ademas bisti paña licht di color
preferiblemente blanco.