Lista di candidato 2024

Publicacion di fecha pa entregamento di lista di candidato

Conforme articulo 16 inciso 4 Ordenansa Electoral, e Presidente di Hoofdstembureau ta participa cu entregamento di lista pa e partidonan politico lo tuma lugar diabierna 6 december 2024.

Entregamento di lista

Por entrega e lista di candidato den dos manera:

1. Via e-mail entre 09:00 ‘or te 16:00 ‘or.
2. Entre 09:00 ‘or te 16:00 ‘or pa entrega di e lista personalmente.  

Via e-mail:

Por download e formularionan cu mester yena y manda dia di entrega di lista:

• De kandidatenlijst;
• De verklaring van bewilliging in de kandidaatstelling;
• De verklaring betreffende ontvangst van de waarborgsom bij de Directie Financiën;
• De schriftelijke opgave van kleur.

Mester manda e documentonan dia 18 di october 20224 entre 09:00 ‘or te 16:00 ‘or via email: secretaris@er.aw. 

Adhunto por haya e schedule di entrega di lista di candidato riba 18 october 2024:

Hunto cu e lista di candidato mester manda, segun articulo 19 jo. 20 Ordenansa Electoral, lo siguiente:

1. Declaracion individual di cada candidato cu nan ta bay di acuerdo cu ponemento di nan nomber ariba lista di candidato;
2. Comprobante di pago na Departamento di Finansas di un suma di Afl. 1.000,-;
3. Un pasfoto blanco cu preto di 4 pa 6 cm, dunando un bista claro y igual di e candidato postula mas halto ariba e lista di e partido, si acaso esaki wordo uza riba e stembiljet;
4. E declaracion di e color scogi si acaso uza esaki riba e stembiljet.

Entrega personal

E entrega lo sosode na Stadhuis, Schoolstraat 2.

Hunto cu e lista mester entrega segun articulo 19 jo. 20 Ordenansa Electoral, lo siguiente:

1. Declaracion individual di cada candidato cu nan ta bay di acuerdo cu ponemento di nan nomber ariba lista di candidato;
2. Comprobante di pago na Departamento di Finansas di un suma di Afl. 1.000,-;
3. Un pasfoto blanco cu preto di 4 pa 6 cm, dunando un bista claro y igual di e candidato postula mas halto ariba e lista di e partido, si acaso esaki wordo uza riba e stembiljet;
4. E declaracion di e color scogi si acaso uza esaki riba e stembiljet.

 E rekisitonan ta: 

1. Riba un lista mag di aparece maximalmente 29 candidato, 8 mas cu e total di miembronan di Parlamento cu por wordo eligi;
2. Partido politico cu no tin representacion den Parlamento mester colecta un total di 586 firma di votado pa por participa na e eleccion (586 voto cu ta igual na por lo menos un porciento (1%) di e total di e votonan valido, cu e Conseho Electoral a determina durante e eleccion pasa, afgerond pariba te na un cifra completo);
3. Un candidato mag di aparece unicamente riba un lista di candidato;
4. Un votado por sostene solamente un lista di candidato.

Lista di candidato entrega

• Lista di candidato Partido HTC
• Lista di candidato CURPA
• Lista di candidato MAS
• Lista di candidato MIA
• Lista di candidato UPP
• Lista di candidato PPA
• Lista di candidato RAIZ
• Lista di candidato MEP
• Lista di candidato AVP
• Lista di candidato RED
• Lista di candidato Accion21
• Lista di candidato Futuro
• lista di candidato LpR

Sosten di lista 

Conforme articulo 17 Ordenansa Electoral, un lista di candidato politico cu no tin asiento den Parlamento, mester wordo sosteni door di 586 firmanan di votadornan (1 porciento di votonan valido di eleccion anterior). E sosten aki ta sosode pa 7 dia consecutivo (excluyendo weekend) di 09:00 am te 8:30 pm despues di entrega di lista.

Dianan:                21 oktober 2024 tot 29 oktober 2024 (excluyendo weekend)

Orario:                  09:00 am te 8:30 pm

Lugarnan:

1. Dependance Censo @ L.G Smith Boulevard 66
2. Oficina HBK Noord situa den MFA Noord
3. Oficina HBK Savaneta situa den MFA Savaneta

Controla lista di candidato 

Dia 1 november 2024 Conseho Electoral lo tene un sesion pa controla e listanan. Te cu 4 november 2024 Conseho Electoral por notifica un partido por escrito tocante e omision cu nan a constata, por ehempel si falta documento. E partido tin te 7 november 2024e oportunidad pa coregi loke tabata  falta, manera cu tabata indica den e carta, door di entrega e documentonan aki na Conseho Electoral. 

Decision tocante validez di e listanan

Dia 8 november 2024 Conseho Electoral ta tene un sesion publico den cual lo dicidi riba e valides di e listanan di candidato. Segun articulo 31 di Ley Electoral, Conseho Electoral ta publica e listanan di candidato.  

Diesun partido politico  cu ta inscribi na Conseho Electoral por a participa den e eleccion pa miembronan di Parlamento di 6 di december 2024. Ademas di e partidonan Accion 21, AVP, MAS, MEP, RAIZ  cu ta representa actualmente den Parlamento, e partidonan  CURPA, FUTURO, HTC, LpR, PPA en RED tambe ta participa na eleccion. 

Partido Politico y nan apoderado
	Accion 21   Apoderado: M.J. Mansur Apoderado suplente: Z. Conijn‐Berkel
	AVP - Arubaanse Volkspartij / Christen Democraten Aruba Apoderado: mr. M.G. Eman Apoderado suplente: W.C. Cicilia
	CURPA - Cristiannan Uni Reforzando Potencial di Aruba Apoderadoe: E.A.C. Ras Apoderado suplente: A. Tromp
	FUTURO Apoderado: G.B. Wever Apoderado suplente: J.H. van Romondt
	HTC  - Hubentud Treciendo Cambio  Apoderado: G.J.R. Webb Apoderado suplente: R.M.M. Henricus
	MAS - Movimiento Aruba Soberano Apoderado: M. Tromp    Apoderado suplente: A. Gunn
	LpR - Lucha pa Reforma Apoderado: R.R. Santos do Nascimento Apoderado suplente: E.L. Rodriguez
	MEP - Movimiento Electoral di Pueblo Apoderado: mr. E. Wever Croes Apoderado suplente: mr. X. Ruiz-Maduro
	PPA - Partido Patriotico di Aruba Apoderado: H.A. de Cuba    Apoderado suplente: C.E.E. Bennett
	RAIZ Apoderado: U.M. Arends  Apoderado suplente: R.A. Kamperveen
	RED - Red Democratico Apoderado: R. Kock  Apoderado suplente: E.S. Croes

Decision tocante validez di e listanan

Dia 8 november 2024 Conseho Electoral ta tene un sesion publico den cual lo dicidi riba e valides di e listanan di candidato. Segun articulo 31 di Ley Electoral, Conseho Electoral ta publica e listanan di candidato. Tur hende por tira un bista den e listanan aki na oficina di Registro Civil/Censo. 

Numeracion y dunamento di color na listanan 

Den caso cu no tin apelacion, e ora ey Conseho Electoral lo pasa pa numera e listanan y duna nan un color. Finalmente ta publica e lista valido di candidato cu nan number y color.

Den un sesion publico riba 13 november 2024  Conseho Electoral a duna e numbernan pa medio di sorteo. Tambe a duna e color di preferencia na cada lista.

Number y color lista di candidato Eleccion 2024

Nummer en kleur kandidatenlijsten Verkiezingen 2024

Numeracion y dunamento di color na listanan di partido politico
Partido	Number segun sorteo (lot)	Color asigna
	9	Shinishi cla
	11	Berde
	5	Biña scur
	6	Magenta
	4	Ros cla
	1	Blauw cla
	7	Cora
	10	Geel
	2	Oranje
	3	Oranje cla
	8	Blanco