Lady Ruth a presenta su prome buki pa mucha na Papiamento
ORANJESTAD – Diaranson, 15 di januari 2025, Ruthy "Lady Ruth" Vrieswijk-Bergen a presenta na UNOCA su buki “Rene su dushi Wega”.
Ta trata su prome buki pa mucha na Papiamento y e ta contene cantica y poesia.
Lady Ruth ta un escritora y artista cu un trayectoria largo y impresionante. E ta un pintor y a participa na varios exposicion na Aruba y tambe como poeta a skirbi obranan den idiomanan Papiamento, Hulandes, Spaño y Ingles y ya a publica 5 buki. Ruthy a dedica su bida na inspira, motiva, informa y trece alegria den e pueblo di Aruba y semper ta contribui cu e herencia cultural di pais Aruba.
Prome Minister Evelyn Wever-Croes ta felicita Lady Ruth cu e ocasion special aki y tambe ta gradici’e pa e bunita contribucion na e desaroyo di muchanan.
