Kustwacht Aruba ta habri 20 cupo di trabou

Kustwacht Aruba ta parti di Kustwacht di Reino cu ta parti di defensa Hulandes, y nan ta yuda tene frontera di Aruba sigur patruyando e awanan teritorial.

Durante e reunion, sr. Hansen a informa Prome Minister cu nan ta bezig cu un transicion di Kustwacht pa asina nan ta disponibel 24/7, haciendo un control continuo di e awanan teritorial di Aruba. Pa motibo di e transicion aki, na Aruba lo habri 20 cupo di trabou cerca Kustwacht y esaki ta un oportunidad pa hobennan na Aruba cu tin interes den un carera cerca Kustwacht.

Director Hansen a entrega tur documento di e transicion na Gobierno di Aruba cu na su turno lo busca e consehonan necesario riba esaki y aproba y ratifica e acuerdonan.