KPA ta introduci uniform operacional nobo
ORANJESTAD - Recientemente, Cuerpo Policial a introduci nan uniform operacional nobo, cu ta duna un imagen nobo na Polis.
E proceso pa sondea e miho calidad di tela pa e uniform operacional pa Polis a tabata basta riguroso. Mester a haci diferente prueba pa mira e calidad tanto den e polo-shirt pero tambe carson. KPA mester a busca e miho calidad cu ta duradero y apto pa e clima na Aruba.
Desde 1 maart 2025, KPA ta estrena su uniform policial nobo operacional. Diseña pa nos
propio agente policial cu un diseño unico, Aruba por mira e diferencia den uniform. Miho calidad, mas flexibel, diseño moderno como tambe mas visibel.
E polo-shirt ta blauw scur cu e emblema di KPA links riba e pecho y schouder, strepinan color geel fel riba e manganan y un diseño horizonal riba e parti central di e polo-shirt. E carson ta den mesun color blauw scur, y ambos tin e palabra "Polis" geprint na papiamento, haciendo e agentenan policial mas reconocibel den comunidad.
Durante di parada grandi di Carnaval di San Nicolas, ya por a mira e agentenan policial bisti cu e uniform operacional nobo.