Investigacion "Kico bo ta come?"
ORANJESTAD – Entrante 24 di maart 2025, Departamento di Salud Publico (DVG) den colaboracion cu Oficina Central di Estadistica (CBS), IBISA y WEB Aruba NV lo inicia un investigacion importante cu ta yama: Kico bo ta come?
Den e investigacion aki, 500 persona den nos comunidad lo haya bishita di un encuestado na su cas. Durante di e bishitanan aki, e encuestado lo haci un cantidad di pregunta riba e topico di alimentacion diario, manera:
- Kico bo ta come?
- Cuanto bo ta come?
- Ki oro bo ta come?
- Y otro preguntanan relaciona cu e topico.
Meta di e investigacion aki ta pa identifica e producto- y alimentonan mas consumi na Aruba y analisa nan relacion cu malesanan cronico manera: cancer, diabetes y obesidad.
Si bo ricibi un carta na cas, invitando bo persona pa participa na e investigacion; “Kico nos ta come?"; no duda pero participa!
Bo contribucion ta un aporte valioso na mehoracion di nos bienestar y Salud Publico.