Investigacion cientifico “quality of life of the Aruban youth” un realidad
ORANJESTAD – Recientemente, Minister di Husticia y Asunto Social demisionario, Rocco Tjon, a reuni cu e ekipo multidisciplinario di experto for di Instituto Pedagogico Arubano y Vrije Universiteit Amsterdam, kende a haci un encuesta entre hobennan.
E encuesta aki ta enfoka riba e contexto escolar, di bario, cas y nan bienestar fisico y mental.
Pa haci e investigacion mas completo a papia tambe cu mayornan, directivanan, maestronan y trahadonan social den tur districto. A inclui tambe recomendacionnan specifico pa por duna un conclusion di e resultado di e investigacion cu lo presenta pronto na conseho di Minister.
Den presupuesto 2025 tin fondonan adicional aloca pa e sector social, y lo boga pa esaki keda asina tambe pa di e forma ey por realisa e recomendacionnan concreto.