Gobierno y CAAM-HP ta firma MOU
ORANJESTAD- Riba 3 di november 2023, Gobierno di Aruba y The Caribbean Accreditation Authority for Education in Medicine and Other Health Professions (CAAMP-HP) a firma un acuerdo pa asina apunta CAAMP-HP, pa acredita scolnan di medicina cu ta establece nan mes na Aruba, pa garantisa e calidad y nivel di educacion.
Na Aruba tin diferente facultad di medicina cu ta prepara studiantenan pa e prome fase di nan examenan na Merca.
E organo Mericano cu ta supervisa e calidad di educacion di medicina pafo di Merca, esta e “Education
Commission for Foreign Medical Graduates” (ECFMG), a determina cu entrante 2024 e facultadnan cu kier certificacion di ECFMG, mester ta acredita pa institutonan reconoci door of den nomber di ECFMG.
CAAM-HP ta un di e institutonan reconoci door di ECFMG y cu por evalua e curriculum di educacion y acredita e facultadnan di medicina. Mirando cu CAAM-HP ta situa den region, esaki ta hacie mas accesibel pa e facultadnan di medicina por establece na Aruba.
E MOU entre Gobierno y CAAM-HP, ta amplia e posiblidadnan pa por acredita facultadnan di medicina y asina garantisa nan nivel di educacion.