Gobernador ta ricibi e senior research associate den Straf- en Strafprocesrecht na e Facultad di Ley na Universidad di Aruba

Durante e audiencia aki sra. Bonnevalle-Kok a wordo acompaña pa sr. Aaron Croes, sra. Christina de Freijtas y sra. Jerianne Tiel, cual tur tres ta studiante di tercer aña na e programa di bachelor na e Facultad di Ley.

E motibo principal di e bishita aki tabata pa entrega e Wetboek van Strafvordering nobo, cu a drenta na vigor dia 1 di april 2024. E publicacion aki ta consisti di e wettekst continuo di e Wetboek van Strafvordering y ta inclui cu un tabla di contenido y terminologia di Ley. Sra. Bonnevalle-Kok a compila e version edita di e wetboek cu cooperacion di ocho asistente-studiante. A traha e wetboek aki na bienestar di e Facultad di Ley como tambe di Corte di Prome Instancia, Ministerio Publico y Orden di Abogadonan di Aruba.

Potret: © Kabinet Gouverneur Aruba