Gobernador ta ricibi e prome ehemplar di su ultimo obra literario titula “Di Carigueña pa Santa Clara”
ORANJESTAD - Diahuebs mainta 23 di januari ultimo autor Jossy Tromp a entrega e prome ehemplar di su ultimo obra literario titula “Di Carigueña pa Santa Clara” na Gobernador Boekhoudt.
E obra di ficcion ‘Di Carigueña pa Santa Clara’ ta e prome novela di Jossy Tromp y ta skibi na Papiamento.
Autor Jossy Tromp a nace na Aruba, aña 1954. Su isla natal a sirbi como inspiracion pa skirbi diferente obra di cuenta ficticio cortico, poesia y un obra di teatro.
“Di Carigueña pa Santa Clara” ta un storia ficticio cu ta explora virtud y bicio di e bida cotidiano na Carigueña y Santa Clara. E protagonistanan principal ta dos ruman homber cu como adolescente a mira un pelicula tocante un pueblo cu ta biba bou di un regimen totalitario.
Potret: © Kabinet Gouverneur Aruba
