Gobernador a ricibi Minister di Relacion Exterior di Surinam
ORANJESTAD - Gobernador di Aruba, Su Excelencia Alfonso Boekhoudt, a ricibi diahuebs 22 di januari ultimo, e Minister di Relacion Exterior di Surinam, señor Albert R. Ramdin. Señor Ramdin ta e Minister di Relacion Exterior desde 2020 y tabata su prome biaha na Aruba den e capacidad aki.
Durante e audiencia a papia tocante e relacionnan reciproco entre Aruba y Surinam y tocante e posibilidad cu tin pa reforsa e colaboracion riba diferente tereno, manera comercio.
Pa e audiencia aki cu a tuma lugar na Cas Ceremonial, Minister Ramdin a ser acompaña pa e Director di Relacionnan Exterior di Surnam, sra. Miriam Mac-Intosh, y e Consul-General di Surinam na Corsou, sra. Christa Zuiverloon. E director di Departamento di Relacionnan Exterior di Aruba, sra. Jocelyne Croes, tambe tabata presente durante e reunion.
Potretnan: © Kabinet Gouverneur Aruba