Na januari 2024 turismo a surpasa e nivelnan di mesun luna di aña 2023, mientras februari 2024 a habri cu 122,149 bishitante cu a bishita Aruba. Aruba a ricibi un total di 128,386 turista crucero cu ta un crecemento di 7.32% compara cu e mesun luna di 2023.

Aruba ta keda un destinacion faborito pa hopi bishitante. Resultado ta demostra cu
Aruba a ricibi 49 cruise calls den februari 2024 cu ta un crecemento di 4.26%. Turistanan ta keda satisfecho cu Aruba y ta clasifica e “Guest experience” cu un 9.0.
Den 2023 a cuminsa midi e impacto economico di “short term rentals”. Ta midi e
impacto aki cu Average Daily Rate (ADR) cu ta na $284 y Occupancy Rate cu ta na
78.2% cu un entrada di $22,005.276 pa februari 2024.

Resultado ta demostra cu e turistanan a gasta un averahe di $690 den nos economia den 2023. Entrada di short term revenue di Vacation Rentals na Aruba a bira uno hopi grandi cu un total di 217,225,200 dollar.

E top 3 nacionalidad di turista cu a gasta mas den nos economia ta Mericano, Hulandes y Chileno. Ta midi e impacto aki cu e categorianan cu mas e turista ta gasta aden: Restaurant: 31%, Hotel: 24%, Retail: 27% y Transporte 7%.

Considerando e performance den februari 2024, por conclui cu turistanan di calidad ta biniendo Aruba cual ta confirma cu e maneho di Ministerio di Turismo ta dunando resultado.

Danki na tur esnan laborando den e sector turistico, nos rikesa di mas grandi ta keda nos hendenan di Aruba.