A organisa e Virtual Business Matchmaking den un colaboracion entre Ministerio di Asunto Economico, Comunicacion y Desaroyo Sostenibel y Camara di Comercio Aruba (KvK).

Gobierno kier enfoca mas riba establece y fortalece e laso comercial cu nos paisnan bisiña, pa cual comercio di Venezuela ta representa un oportunidad grandi.Ta stimula y facilita hacimento di negoshi entre comercio di Aruba y Venezuela ya cu e consumido por beneficia di miho prijs y mas variacion di producto.

Empresarionan di tanto Aruba como di Venezuela, a duna oido grandemente na e Virtual Business Matchmaking. Mas di 60 compania di Aruba y mas di 100 empresa di Venezuela ta participando na e Matchmaking event y lo yuda identifica posibel "bottlenecks", pa por facilita mas comercio entre Aruba y Venezuela den e tempo nos dilanti.