Documental UNÍ den KARNAVAL
ORANJESTAD - Dialuna, 6 di november 2023, Biblioteca Nacional Aruba, den cooperacion cu Fundashon Historiko Kultural Boneiro, Departamento di Cultura Aruba y gestor cultural Mirto Laclé lo organisa un anochi cultural dedica na comienso di periodo di Carnaval.
Pa 6:00 pm lo presenta e documental "Uní den Karnaval", cu ta bay tocante Carnaval riba tur seis isla di Caribe Hulandes y mas.
E documental ta un grabacion produci na 2022 na tur e seis islanan di Caribe Hulandes caminda
diferente persona a elabora riba celebracion di Carnaval riba nan respectivo isla. Investigado y organisado lo duna nan opinion, como tambe informacion necesario pa compronde e necesidad vital di e habitantenan di e islanan di Caribe Hulandes di expresa nan pasion a traves di Carnaval.
E documental ta un produccion di FuHiKuBo bou di direccion di Boi Antoine di Boneiro. Produccion di e documental a keda financia pa Archipel.eu. (Union Europeo) y co-financia pa Overseas Countries and Territories Association (OCTA), Institut Français y APCA.
Musico, Loyd Baptist lo deleita publico cu algun calypso y musica di Carnaval. Boi Antoine lo ta presente y lo contesta algun pregunta di publico relaciona cu e documental.
Entrada ta gratis y e documental tin subtitulo na Ingles.
Pa mas informacion por tuma contacto cu Mirto Laclé, cel. 7426274.