Director ehecutivo di IMF a duna presentacion na Banco Central di Aruba

Den su presnetacion sr. Hilbers a indica cu e evaluacionnan cu IMF ta haci pa Aruba ta di gran importancia y e resultado ta sumamente positivo, pero tambe a comparti algun punto cu mester tene na consideracion.

Diversificacion di e economia y e riesgonan di e cambio climatico ta importante pa tene na bista den tumamento di decision a largo plaso. E tema financiero di un pais no ta solamente e aspecto di placa pero e por ta hopi mas cu esey.

Riba e mesun dia di e presentacion, sr. Hilbers a reuni cu Conseho di Minister unda el a duna e vision di IMF pa cu e desaroyo di Aruba. Durante e encuentro sr. Hilbers a indica cu Aruba tin un desaroyo positivo y impresionante.