Den cuadro di mehoracion di calidad y servicio di cuido, un acuerdo a keda firma den un forma di “partnership” entre Gobierno, Setar y AZV pa asina digitalisa henter sector di cuido haciendo uzo di tecnologia y innovacion.

E aplicacion di fase 1 pa “Aruba Health App” ta pa sigui facilita servicio den cuido medico y lo sigui desaroya e aplicacion aki den un manera mas eficiente, transparente y accesibel pa tur asegurado pa por haci uzo di e sistema digital.

E sistema lo tin aplicacion pa traha afspraak via e app MiDokterDiCas. Tambe por ricibi receta prescribi via MiRemedi y alabes ta haya tur resultado di testnan di dokter di cas via MiLaboratorio.

Lo digitalisa henter e sector di cuido medico, pa sigui mehora e servicionan y calidad di cuido pa tur dokter di cas por traha na un manera mas eficiente, transparente y rapido. Asina tambe e comunidad por ta mas informa y sinti nan mes den control di nan salud y calidad di bida.

Innovacion di e plataforma aki ta permiti e asegurado pa yega na su informacion medico 24 ora pa dia, cual ta un proceso mas rapido, cu antes no tabata disponibel.