Delegacion KPA presente na Asosacion Internacional di Polis Femenino
ORANJESTAD - Recientemente un delegacion representa pa hende muher di Cuerpo Policial Aruba a forma parti di e IAWP (Internacional Association of Woman Police) Region 26th Conference na Gran Cayman.
Encabesa pa comisario sra. Irma Gordon e delegacion cu ta consisti di den total di cuater hende muher a haya y comparti informacion pa cu e tematica di hende muher den puestonan clave den organisacionnan importante.
“Ta importante pa continuamente duna atencion di un manera of otro pa e igualdad den genero. E ta necesario y nos lo keda hacie. E evento aki ta un bunita ocacion pa demostra cu nos di Cuerpo Policial Aruba ta considera esaki hopi importante.” tabata palabra di altocommisario sr. Ramon Arnhem cu tabata orguyoso di mira un coleganan femenino haya e oportunidad di por atende conferencianan importante aki.
Di e forma aki ta importante pa Cuerpo Policial Aruba sigui empodera nos hende muhernan den nos organisacion pa asina nan por carga e organisacion aki den futuro.
