Curso di PDG di IPA t’ey atrobe!

PDG ta un curso parcial pa e profesionalnan cu kier ta competente den e profesion di docente of educador den enseñansa secundario y superior.

Abo of un conocir di bo ta cla pa un cambio di carera? Semper bo tabatin aspiracion pa aporta na enseñansa? Bo tin afinidad y interes pa traha y yuda den e desaroyo di mucha y hoben? E ora ta PDG di IPA ta na unda bo mester ta!

Bo tabata sa cu?

• E curso di PDG tin un duracion total di 24 luna, pero cu oportunidad personalisa pa termina esaki den 18 luna!
• E programa ta stimula un forma di siña intensivo cu ta enfoca riba ‘deep learning’ caminda tin atencion y tempo pa practica y ta hands-on bezig.
• E team ta dinamico cu mas prioridad pa guia e desaroyo profesional y personal di cada participante.

Ken por aplica na e curso aki?

Maestro cu ta traha no-certifica, esta ‘onbevoegd’ den enseñansa avansa e.o. EPI y MAVO, profesional di otro sector e.o. empresa of instancia cu no ta enseñansa, cu tin interes y motivacion pa sa mas di e profesion di educacion, y cu kier traha riba nan conocemento y habilidad pedagogico didactico. Pa e grupo di profesional aki PDG ta un rekisito pa drenta sector di enseñansa. Rekisito pa por haci e curso di PDG ta minimo diploma di HBO.

Pa mas informacion di e curso di PDG di IPA, bishita www.ipaaruba.com y click riba CDPC sigui pa ‘Opleidingen’ y despues PDG-opleiding. Aki lo bo haya informacion di entre otro contenido di e estudio, kico bo por haci despues di e estudio, gasto y procedura di inscripcion. Ademas por haya mas informacion riba e pagina di Facebook ‘Instituto Pedagogico

Arubano’ y si tin pregunta, por manda un e-mail na PDG@ipaaruba.com.

E ultimo dia pa inscribi ta 31 di mei 2025. Despues di e fecha aki no por inscribi mas pa aña academico 2025-2026.