Constitucion di Aruba
Den e aña cu a precedi Status Aparte, cu Aruba lo a haya den Reino, entrante prome di januari 1986 e proyecto di ley pa Constitucion di Aruba a keda cla. Aunke e nomber oficial ta “Constitucion di Aruba”, seguidamente lo papia di constitucion. Asina a nace e Ley Fundamental Arubano. Un Ley Fundamental ta e areglo legal di mas importante di un pais. E ley mas halto aki, otro caminda ta wordo yama “constitucion”. Corda por ehempel riba e “Constitution” Frances y Mericano. Mester remarca si cu no ta tur pais tin un constitucion, a lo menos no un constitucion skirbi. Esaki ta por ehempel e caso cu Inglatera.