Armstrong International LLC tin un historia excepcional den exploracion y a yega di descubri varios campo di petroleo enorme den pasado. E compania ya caba a haci su investigacion y a yega na e conclusion cu tin varios pos di petroleo y gas rond di Aruba, cu tin nan interes. Riba nan propio gasto, a haci tur e inversion necesario pa haya tur e datonan pa e investigacion. Den e siguiente 18 lunanan Armstrong International LLC ta continua cu nan estudionan y cuminsa bora pa wak si nan por haya algo den e awanan teritorial di Aruba. 

Resultado positivo di exploracion di petroleo y gas ta importante mirando cu esaki por bira un pilar economico fuerto di nos economia. E ta nifica cu lo crea hopi cupo di empleo nobo, fortifica nos economia y e posicion financiero di Gobierno. No por depende solamente riba turismo, mirando cu esaki ta depende di factornan externo y cu por afecta nos manera e pandemia di COVID-19 recientemente. Gobierno ta haciendo nan maximo esfuerso pa Aruba ta mas fuerte y resiliente, y un stap importante ta pa diversifica e economia. 

E contrato aki, no tin ningun gasto pa Gobierno, pero e compania Andicuri si ta bay paga impuesto, y un suma anual di 375 mil dollars na e compania Arubano di Petroleo, cu ta un compania estatal pa asina nan por haci exploracion den e 18 lunanan nos dilanti. Pais Aruba no tin nada di perde cu un otro intento pa haya petroleo of gas. Armstrong International LLC lo core cu tur gasto di e exploracion.